Identifikohu
KIRURGJI GJENERALE
ONKOLOGJIA
KIRURGJI TROKALE
KARDIOLOGJI
ONKOLOGJI
ANGIOLOGJIA
ORL
ALERGOLOGJI
ORTOPEDI
NEUROLOGJI
PEDIATRIA
REUMATOLOGJI
UROLOGJI
GASTROLOGJI
GJINEKOLOGJI
STOMATOLOGJI
FERTILIZIMI
DERMATOLOGJI
OZONOTERAPIA
OKULISTIKE
ENDOKRINOLOGJI
FIZIOTERAPI
IMAZHERIA
ENDOSKOPIA
LABORATOR
Etiologjia
Shkaku specifik vazhdon të mbetet I panjohur ende, pavarësisht studimeve të shumta që janë bërë. Megjithatë ekzistojnë disa faktorë të mundshëm risku që përfshijnë:* Sindroma Down
* Sindromi Wiskott-Aldrich
* Neurofibromatoza tip I
* Anemia Fanconi
* Telangiectasia
* Sindroma Li-Fraumeni (TP53 gene)
* Mutacionet gjenetike
* Ekspozimet e shpeshta ndaj rrezatimeve, kemioterapi të mëparshme etj
Shenjat klinike te Leucemisë Akute Limfoblastike
Simptomat e LAL-së në fëmijëri mund të jenë:• Temperaturë
• mavijosje ose hemorragji
• petechie, të cilat janë njolla të sheshta, të kuqe të errëta në lëkurë ose në mukozën e gojës
• dobësi ose ndjenjë e lodhjes
• duken të zbehtë
• dhimbje kockash ose kyçesh
• nyjet limfatike të fryra
• humbje e oreksit
• humbje peshe
• infeksione të shpeshta
• hepatosplenomegali
Këto simptoma janë tepër të përgjithshme dhe jospecifike për LAL. Ato mund të shkaktohen nga probleme të tjera përveç Leukemisë Akute Limfoblastike, ndaj është mjeku pediatër ai që bën diagnoza diferenciale dhe thellohet më tej në ekzaminime laboratorike dhe imazherike.
Ekzaminimet që përdoren janë:
• Hemogramë, ku vlerësohet numri I elementëve të figurar të gjakut• Bilanci biokimik
• Radiografi pulmoni
• Eko abdominale
• Punksion të palcës kockore
• Punksion lumbar në rast dyshimesh për prekje të sistemit nervor qëndror
• Testet gjenetike: Një shembull i një testi gjenetik që përdoret zakonisht është analiza citogjenetike, në të cilën kromozomet në një mostër gjaku numërohen dhe kontrollohen për çdo ndryshim, si kromozome të thyera, të humbura, të riorganizuara ose shtesë. Testimi gjenetik i mostrave të gjakut dhe palcës kockore përdoret për të ndihmuar në diagnostikimin e kancerit, planifikimin e trajtimit ose për të zbuluar se sa mirë funksionon trajtimi.
• Imunofenotipizimi: Një test laboratorik që përdor antitrupa për të identifikuar qelizat kancerogjene bazuar në llojet e antigjeneve ose shënjuesve në sipërfaqen e qelizave. Ky test përdoret për të ndihmuar në diagnostikimin e llojeve specifike të leuçemisë. Për shembull, qelizat e kancerit kontrollohen për të parë nëse janë limfocite B ose limfocite T.
Trajtimi
Leucemia është një sëmundje sistemike dhe trajtimi i së cilës është specifik, në kushte të mirëfillta spitalore, nga mjeku pediatër onkohematolog, sipas protokolleve të standartizuara botërore. Përfshin farmakoterapinë,kemioterapinë spëcifike deri te transplanti i palcës.Opsionet e trajtimit varen nga:
- Nëse qelizat e leukemisë filluan nga limfocitet B ose limfocitet T
- mosha e fëmijës suaj në momentin e diagnozës
- nëse ka ndryshime të caktuara kromozomike
- sa shpejt bie numri i qelizave gjatë trajtimit
- prekja ose jo e sistemin nervor qendror
Kimioterapia përdor preparate për të ndaluar rritjen e qelizave kancerogjene, ose duke vrarë qelizat ose duke i ndaluar ato nga ndarja. Kimioterapia mund të jepet vetëm ose me lloje të tjera trajtimi.
Transplanti i qelizave staminale
Është një trajtim që përdoret për të zëvendësuar qelizat e gjakut. Mund të përdoret edhe si trajtim fillestar për fëmijët dhe adoleshentët ose edhe si pjesë e trajtimit për LAL-të që relapsojnë (rikthehen pas trajtimit).Efektet anësore dhe efektet e vonshme të trajtimit
Preparatet kemioterapeutike sigurisht që kanë edhe efektet e veta anësore por se cilat prej tyre mund të ketë fëmija varet nga lloji i trajtimit që merr, doza dhe mënyra se si reagon trupi i tij. Efektet anësore që fillojnë 6 muaj ose më vonë pas trajtimit dhe vazhdojnë për muaj ose vite quhen efekte të vonuara, të tilla si :Probleme fizike, duke përfshirë problemet me zemrën, enët e gjakut, mëlçinë , kockat dhe fertilitetin.
Ndryshime në humor, ndjenja, të menduarit, të mësuarit ose kujtesës.